Siverek Haber

Siverek Haber

EY MILETAM


21 Ocak 2013 Pazartesi 21:30

 

Ey mıleta mı, é yé fına qeçané şıma kıştışa şımaré rışené. Fına bermayış pay da şımaré kewt. Doşyan dé şıma sero newe, newe merdey do biré u newe namey tıdo bı qiré

Ey mıleta mı. Hezarına ser, tı, eşiret, eşiret, keye,keye péra abırriyaybi, hema nıka é yé to kıştena kené jew. Hédi, hédi, tayn,tayn éyé to kené véşi. Kıştena éyé to peyşne né

Ey mıleta mı. Sinor, sinor tı biyé lete, biyé vır tu vıla. Nalandé ıstorandé xüya erdé to aşanaw. Tanqandé xüya, tekelandé xüya, postalanu, teyarana merglu ardo to ser.

Ey mıleta mı. Veyşani u, nıçari u çınébiyayışi miyand tı mendé. Çımandé qeçandı xüyé merdand tiyé kewtiyayışé xü dinené. Merga tiyé dinené vinibiyayışé xü.

Ey mıleta mı, tı, tım é binaré esté. Tım lejdé é binand mendé, tım qandé hesaptı é bina to xü kerdo lete. Jew merg namedé toya, toré mendo

Ey mıletam, to déré xü kerdé vıni, estanıké xü kerdé vıni, züwané xü kerdo vıni. Nıka namé cı kırdasi yo qeçék merdé inana tı yené viri. Wahdok tı bermené vaxta zuwané to yeno to viri.

Ey mılatam. Namé koyé toyék vewra biyé sıpey u zozanandé xü keçé to uja kışınése waxta tı musené. Her derdéné koy u qiriyayışé zozanandé to esto. Nı merdışa bol weş zané

Ey mılata mı. Merdışana tı bi gırd u nıka merdışa vané aqıl bı. “Qeçék toyé kışiyay ina erdık u xü vira bık” vané

Ey mıleta mı. Hezara ser dıma merdışa to fahm kerd tiyé dınyay. Nıka fına merga to tersanenék, tı dınyay xü vira bıkeré. Ok to dest mendo, ey zi qayıli to destra baancé u biyeré

Ey mıletam. Bewni fına éyé meyitané qeçané to, rışené toré. U “merglud qeçanı xü erdé xü miyand vınik” vané

Ey mıletam. Omışbiyayış vané zi fına to kışené. Sofredé omışbiyayışit éyé qeçané to kené kürban u éyé sofredé tod goşté qeçandé to dané to

Ey mıletam ez né zanak mado çuwaxt aqılibé, ma da biré xü ser

 


YORUMLAR
Henüz kimse yorum yapmamış, ilk yorum yapan siz olun.
Kurumsal

İçerik

Gündem

Siyaset

Haberler

Yukarı Çık